بَستنظرِك
غناء: الشيخ إمام
كلمات أحمد فؤاد نجم
بَستنظرك
رغم القساوة ف منظرك
لحظة هروبك يا رباب
م الحب لما استنصرك
بَستنظرك
رغم الشتا
والبرد والرعد المخيف
بَستنظرك
ف الشارع المشغول
بأوحال الرصيف
أنا أصلي حاسب موعدك
وعارف اللي بيبعدك
وأنا اللي خابر
تبقي مين
وأنا اللي صابر
من سنين
وبعدّ لك
بالثانية عمري واعدلك
مطرح ف بستان الامل
وبَمدّ لك
وف كل خطوة
أمدّ لك ايدي اللي شققها العمل
مدّي الخطاوي يا حبيبيتي
وقدّمي
وان كنتِ خايفه م الطريق
اتبسمي
يا شمس يا اللي ضحكتك
قمر ينوّر سكتك
أنا اللي عشقك
عزّني
وانتِ اللي عشقي
يستتك
بستنظرك
يا جرحي يا حلمي العنيد
بستنظرك
يا مصر يا حبي الوحيد
وحتيجي يوم وتصدّقي
عشقي الأصيل وتحققي
حلمي الجميل وتزوّقي
عمري اللي ضاع
مستنظرك
بَستنظرك
ليست هناك تعليقات:
إرسال تعليق