بنادي على كل واحد في مصـــــر
ندايا أنا لكل بيت مش لقصــــــــر
بلدنا في محـــــــنة نظامها دابحنا
و واجبنا إحنا نصـــونك يا مصـــــــر
***
بنادي على الورشجـــــية الصـــغار
و دول مسروقين من سماسرة كبار
هتخرب بيوتكم فلوس أمريـــــكاني
مع الانفتاح جت مصيبة لمصـــــر
***
بنادي على الجيش هناك ع الحدود
مسلح و رابض لمين بالبـــــارود؟
رئيسك خلاص سلمك لليهــــــــود
و ضيع عليك أي فرصـــــة لنصــــــر
.بنادي عليكم يا كل الجموع
في مصر الشوارع،في مصر النجوع
في مصر المزارع،في مصر المصانع
بلادنا حتبقى جناين محبة
وفيها الأحبة تيجان
كل عصر
ليست هناك تعليقات:
إرسال تعليق